كيف أشجع نفسي للدراسة ..؟ أتخلص من الملل ..من التسويف ..ومن تراكم المواد عليّ ..وبالتالي اتجنب لوم نفسي المستمر وتأنيب الضمير
هنالك أنواع للتحفيز : لكن لو بدي اتكلم عن التحفيز من حيث المصدر ( في تحفيز خارجي وفي تحفيز داخلي)
الخارجي: تسمع كلام تشجيعي من والدك / والدتك / معلمك ...تدخل على اليوتيوب وتحضر فيديوهات تحفيزية ..تقرأ عبارات إيجابية وهيك لتقدر تشحذ همتك وتشحن نفسك للدراسة ...لكن التحفيز الخارجي مشكلته بأنه محدود ومؤقت ...تأثير بستمر ساعة نصف يوم ..وبعد فترة بتكون تعودتك على الرسائل اللي بتسمعها / بتقرأها فتبطل تأدي نفس المفعول
عشان هيك : لازم تركز على (التحفيز الداخلي) وتتعلم كيف تحفز نفسك بنفسك !
طبعاً لو تعلمت كيف تحفز نفسك ..وتشجعها على انجاز المهام ..اكيد انت مش رح تتعلم كيف تنجح بالدراسة ..انت رح تتعلم كيف تكون ناجح بكل المجالات ..وهذا اكيد شيء مش سهل .. الموضوع صعب ..بدو تدريب ..وصبر ..وطولة بال ..لكنه يستحق ...!
لكل شخص فينا طرقه الخاصة فيه بالتحفيز الداخلي ...خليني اقدملك اياهم على شكل نقاط :
1. القناعات : أحمد بدرس رياضيات ..فتح الكتاب ..بدأ يحل الأسئلة ..فجأة واجه سؤال صعب ما عرف يحله ؛ فردد بينه وبين نفسه ( السؤال ما اله حل ..او انا مش فاهم كويس ) .. منى ..فتحت كتاب التاريخ ..قبل ما تبدأ تدرس ..خطر ببالها (المادة كثير طويلة وزخمة ..) سارة وصفت حالها ( أنا ما بعرف أحفظ ...) مراد وهوه متفوق ردد ( انا بفهمها ع الطاير ..مافي داعي للدراسة ... رنا مقتنعة انها ديماً بتدرس بس ما بتعرف كيف تجيب علامة كاملة .......بالله عليكْ : كيف ممكن تحصل على نفسية متحمسة للدراسة وانت بتحمل هيك قناعات ...ماهي قناعات صحيحة ...براحتكْ : اذا انت بدك اياها تظل صحيحة رح تظل صحيحة ...واذا بدك تغيرها (ولازم تعمل هيك) رح تتغير !
مع هيك قناعات انا بضمنلك ..اكيد رح تظلك تعاني ...قرر الآن تستدعي هاي القناعات ..تستبدلها بقناعات جديدة ( انا رح احاول احل السؤال بطريقة ثانية ..انا رح اظل اجرب لأحسن قدراتي ..المادة طويلة لكن مش مطلوب مني اختمها كلها اليوم ..الحفظ بدو ممارسة ,والذاكرة عضلة بدها تدريب ومافي شيء بيجي ع الجاهز ..اذا ربني منحني نعمة الاستيعاب فهاي فرصة لاستثمرها رح تسهل علي الدراسة ..انا لازم اعرف وين بفقد علامات واقيم اجاباتي عشات اتعلم من اخطائي ..........هيك ممكن تتخلص من فايروس القناعات السلبية لهمتك
2. حدد هدفك
ايش المعدل اللي انت مخطط انك تحصل عليه ..؟ 80 ؟؟ 70 ؟؟ 60 ؟؟90 ؟؟95 ؟؟ ولا من العشر الاوائل على المملكة ...طالما انت مش عارف انت ايش بدك تحقق معدل ؟ بالله كيف بدك تعرف كم ساعة لازم تدرس ..؟ كم مستوى الجودة اللي لازم تحققها بالدراسة ...؟ كم لازم تكون علامتك بامتحانات المدرسة ..؟ وكيف رح تعرف تقيم نفسك ..
لازم تحدد هدفك بالبداية ..ومش غلط يكون هدف شامل مرتبط بتخصص المستقبل ...
هيك انت رح تعرف حجم المقدار اللي لازم تبذله من الجهد ...بدك ثمانين بتبذل هذا المقدار بدك تسعين بتبذل هذا المقدار
هيك لما تحصل على علامة 15/20 بتعرف انك انت قريب من هدفك ولا لأ ؟ هيك بصير للعلامة معنى ..بدون هدف طبعا ً لا يتساوى معك انك تدرس 5 ساعات او ساعتين او ما تدرس اساساً ...كله واحد ..ما رح يفرق معك طالما انت مش عارف شو بدك ؟
احضر هذا الفيديو
3. المخططات : من الأشياء اللي بتحبطك اثناء الدراسة ..انك بتيجي بدك تدرس ..بتشوف قدامك كتاب التاريخ مثلا بتحسه جبل كبير ...فبتصير تحاول تدرسه ...بعد اول ساعة ..بتعد كم صفحة ..درست ..بتلاقي حالك مش قاطع كثير ..بتصير تحسب كم صفحة الكتاب وكم ساعة بدو وهيك بتكتشف انو الكتاب مستحيل تخلصه ...؟ مش هيك بصير معك ...طيب شو الحل ؟؟
الدراسة أول بأول ... الحل ؛ نفرض المادة متراكمة عليك حالياً ؛ شو الحل ؟ بسيطة كثير ...لخّص الوحدة الاولى على شكل (ملخص ..خريطة ذهنية ..مخطط ..) وممكن تلاقي هاي الامورع موقع الأوائل ...بعدين ادرس من الملخص ..رح تلاقي حالك بالساعة الاولى ملخص نصف الوحدة ...رح تقلي الملخص لا يغني عن الكتاب بقلك صح ..لكن انت ادرس بداية من الملخص وهيك رح ترتفع همتك ..تنجز أكثر ..تثق بنفسك أكثر ولأول مرة رح تشعر بشعور جميل بمكن تشعر لأول مرة بحياتك : رح تحب المادة ...اذا انهيت الملخص ..هون بترجع للكتاب وبتدرس منه رح تلاقي نفسيتك افضل لانه بتصفي مهمتك فقط انك تدرس الاشياء اللي ما مرت عليك بالملخص وهيك بتقدر تنهي الكتاب .
اذن لا تضع اهدافاً كبيرة في البداية ..جزئها لأهداف صغيرة ..هكذا تستطيع انجازها
4. قبل الامتحانات عشان تحافظ على نفسيتك وهدوئك بنصحك تحضر فيديو نظرية (المغلفات)
5. أساليب التدريس : من الأشياء اللي بتخلي الواحد فينا يمل بالدراسة ..انو بيدرس بنفس الطريقة ..بنفس الاسلوب ..وهيك بصير عنده ملل و زهق عشان هيك لازم تغير اسلوب دراستك .. اذا كنت بتدرس وانت ساكت ..صير ادرس بصوت عالي ..وهيك بتستخدم حواس اكثر وهذا بعزز الحفظ وما بخليك تسرح ...اذا كنت متعود تحفظ بأسلوب التكرار ..في كثير اساليب اخرى ممكن تتعلمها ..نوع باسلوب الحفظ ..استخدم اقلام الوان ...اكتب ..العب دور المعلم وصير اشرح لاخوك الصغير ..لدمية لمخدة ...المهم حاول تتسلى وتغير جو الدراسة
5. لا تدلل حالك كثير : علاء ما بدو يدرس ..ليش؟ ما عنده مزاج ..؟ يا أخي مين حالك انو في انسان بدرس لانو مزاجه بحب الدراسة ...؟
انت لازم تجبر نفسك غصبن عنها ..فالصبر بالتصبر .. عشان هيك لازم تعامل نفسيتك مثل الام اللي بتقسو احيانا ع ابنها لتربيه مثل المعلم الحازم مع طلابه مثل القائد مع الجندي ...!
6. بطاريات الشحن : انت بتكون متشجع للدراسة ومتحفز ..بيجي زميلك معلمك قريبك ...بسمعك كلمة انك انت واحد (فاشل) مستحيل تنجح ...هاي الفئة اللي بتراهن عن فشلك ولا اشي اكتب اسمائها على ورقة وكل ما بدك تحفز نفسك..تذكرهم .. ولازم تتأكد انك تتصل فيهم تخبرهم بعلامتك بس تنجح ...لا تغلب حالك رح يعرفوا لحالهم
7. ادعُ الله عز وجل دائمأً : بدون استعداد الدعاء رح يكون تواكل .. اعقل وتوكل ...
ولا تنس بعد ما تحقق اهدفك اليومية ..الاسبوعية ...انك تكافئ نفسك
